होली (कृष्णा और पणिहारी )




गौउ उछेरे गोपियां, गौ टोले गोपाल।
हे हो हे हो हांकता, बूहा ब्रज रा बाल।।

वृंदावन कानो वहिर , धेनॉ टोले धोल ।
भेलो भातो भायला , खवाईस मन खोल ।।

डीगी हाथों डांग, बगल भात री पोटली।
लोचन घूघट लांघ, ग्वाल निहारे गोपियां।।

गौ टोले गोपाल , गीत मुरलिये गावतो ।
भूली गोपी भाल , काम निवेड़ा कालिया ।।

खेतां चराय खोपियां , खेलतो रास खेल ।
ग्वाले राधा गोपियां , मोकली प्रीत मेल ।।

रसिया आई रमणिया, रास री लेय आश।
छनन छड़ा छनकारती,राधा माधे ! खास।।

मन मोहन बजत मुरली , पुगी गोपियाँ पास ।
बलम बिन बनी बावली , रमे स्याम सँग रास ।।

रंग ले माखण मट्टका, पूगी भर पिचकार।
मुख ऊपर रगड़े मखन,छोड़ रंग बौछार।।

गोपी सुध बुध बिसर गी , पाय स्यामलो पास ।
डग डग बजाय डंडिया , रमे स्याम सँग रास ।।

डणण डणक्का डंडिया , छणण छड़ा छणकार ।
राधे माधे सँग रमी , घट पटक घूँघट घटा'र ।।

ले गो मन हर संग , नैण बाण मारि नट बण ।
रति रलि गोपी रंग, मदन सदन अँग माधवा।।

श्याम भिगे राधा भिगे, भिगे गोकुल ग्वाल।
रलल रल श्याम रंगमें, गोपियां भयि गुलाल।।

°°°°°°°°°°°°°°°°°°°°°दीप चारण

फागण श्यामो गावै कुंडलियो

फाग गावतो फूटरा, चैल बजाता चंग।
होली खेलण हालियो, श्यामो राधा संग।।
श्यामो राधा संग, रंगबिरंग रंगीज्यो।
रंग गोपियां अंग, भंग पी भेलो भींज्यो।।
रंग में रला राग, अधर मधुरम मुलकावै।
पिचरंग पैर पाग, फूटरा फागण गावै।।

°°°°°°°°°°°°°°°°°°°°दीप चारण

फूलां रंग गुलाल बिन, कपोल कर्या लाल।
मखण चोर रा मखमली, गोपे पींचे गाल।।
गोपे पींचे गाल, ग्वाला लुकाई चाबी।
लाय रंगभर थाल, गुलाल रगड़ें गुलाबी।।
गोपे गावै गाल , ढबती कोनी धमालां।
नाचे हैं नंदलाल, गावतो उड़ा गुलालां।।

°°°°°°°°°°°°°°°°°°°°°°°दीप चारण

बनकर उड़ू गुलाल, संग तोरे गली गली ।
तन मन कर दे लाल , रसिया रँगके रूह को ।।

•••••••••••••••••••••••••••••••••दीप चारण


कटी लचक लचक कूच उचक उचक

धर घट पनिहारी पनघट जात हैं ।

 वन में आज बनवारी भरके पिचकारी

काहे राहे रोककै मंद मंद मुस्कात  हैं

कान्हा कंचुकी मोरी तंग लगा ना मोहे रंग

भिगा ना मोहे संग अंग उघरी जात  हैं ।

दयानिधे करो दया हरो नाहि मोरी हया

यो जग बड़ो निर्दयी बनावत बात हैं ।

••••••••••••••••••••••••दीप चारण

मनहरण घनाक्षरी (कवित्त दीप चारण कृत)

रंग अबीर गुलाल,मळ मळ गाल गाल,
रमे होली नंदलाल,रंग गोपी ग्वाल को।
चटक चटक चाल,भंग रंग चढ्यो भाल,
भीजोय करि बेहाल,खींच पट्ट साल को।
पीला हरा नीला लाल, अंग अंग गाल भाल,
उर खग फांसे जाल, शिकारी गौपाल को।।
सुध-बूध भूल-भाल, देख रस्यो मतवाल,
पहराय पुष्पमाल, बाला ब्रजबाल को।

°°°°°°°°°°°°°°°°°°°°°°°दीप चारण




Comments

Post a Comment

Popular posts from this blog

काम प्रजालन नाच करे। कवि दुला भाई काग कृत

कामप्रजाळण नाच करे : रचना :- दुला भाया काग आजे पवित्र श्रावण मासनो बीजो सोमवार छे ते निमिते कविश्री दुला भाया कागनी रचना कामप्रजाळण नाच करे (छंद - दुर्मिला) परमेश्वर मोद धरी पशुपाळण,कामप्रजाळण नाच करे, भभके गण भूत भयंकर भुतळ, नाथ अधंखर ते नखते, भणके तळ अंबर बाधाय भंखर , गाजत जंगर पांह गते ; डमरुय डडंकर बाह जटंकर , शंकर ते कईलास सरे, परमेश्वर मोद धरी पशुपाळण,कामप्रजाळण नाच करे, (1) हडडं खडडं ब्रह्मांड हले, दडडं दडदा कर डाक बजे, जळळं दंग ज्वाल कराल जरे , सचरं थडडं गण साज सजे ; कडके धरणी कडडं , हडडं मुख नाथ ग्रजंत हरे , परमेश्वर मोद धरी पशुपाळण,कामप्रजाळण नाच करे,(2) हदताळ मृदंग हुहूकट,हाकट धाकट धीकट नाद धरं, द्रहद्राह दिदीकट वीकट दोक्ट,कट्ट फरंगट फेर फरं ; धधडे नग धोम धधा कर धीकट,धेंकट घोर कृताळ धरे, परमेश्वर मोद धरी पशुपाळण,कामप्रजाळण नाच करे,(3) नट तांडवरो भट देव घटां नट उलट गूलट धार अजं, चहँ थाक दुदूवट दूवट खेंखट,गेंगट भू कईलास ग्रजं ; तत तान त्रिपुरारि त्रेकट त्रुकट, भूलट धुहर ठेक भरे, परमेश्वर मोद धरी पशुपाळण,कामप्रजाळण नाच करे,(4) सहणाई छेंछ अपार छटा,चहु...
Read more

आसो जी बारठ

(कौटङै रा बाघ जी ) कवि आसो जी बारठ भारमली रा घाट पर बाघौ लुम लटक्क । जहँ तरवर तहँ मोरिया,जहँ सरवर तहँ हंस । जहँ बाघौ तहँ भारमली , जहँ दारू तहँ मंस ।। बाघा हालै बेग , दुख सालै दूदा हरा । आठूँ पहर उदेग , जातौ देगौ जैत वत ।। हाठोँ पङी हङताळ , हमेँ मद सूंगा हुआ । कूकै घणाँ कलाळ , बिकरौ भागौ बाघजी ।। कूकङ ज्यू कुरळावियौ , ढलती माँझल जोग । कै थनैँ मिनङी झाँपियौ , कै बाघा तणौ विजोग ।। बाघा आव वलेह , घर कौटङै थूँ धणी । जासी फूल झङेह , वास नँह जासी बाघजी । ठौङ ठौङ पग दौङ , करस्याँ पेट ज कारणै । रात दिवस राठौङ वीसरस्याँ नहिँ बाघ नैँ ।। की कह की कह की कहूँ की कह करूँ बखाँण । थारौ म्हारौ नँह कियौ , ऐ बाघा अहनाँण ।। आसो जी बारठ
Read more

कल्याण शतक रँग कल्ला राठौड़ रो दीप चारण कृत

Image
भूमिका / प्रस्तावना  मेवाड़ वा भौम हैं जिणरी माटी रा कण-कण सूरवीरां रै सूरापै रा अर सतियां रै सतित्व रा गुण गाता नी थके। इणरो इतिहास अनूठो हैं, रणबाकूंरा रो ओ खूंटो हैं । बात उण बखत री हैं जद मुगल पात्सा अकबर आपरी साम्राज्य बढोतरी लगेटगे कर चुक्यो हो कैई रिहासत - ठीकाणा नै आपरी अधीनता मनवा चूक्यो हो। पण मेवाड़ उणरी आंखां में खटकतो हो, बो किण ही रीत किणी भांत मेवाड़ नै आपरै अधीन करण रो हर सम्भव कोसिसां करे हो। अठीनै मेवाड़ माथै उदयसिंह रो राज हो। चित्तौड़गढ़ सूं ही राजकाज सुचारू हो। अकबर आपरी विशाल मुगल फोजां लेय'र चित्तौड़ रै किले ने घेर लेवे। जुद्ध री स्तिथि देख सभा में सरदारों अर सामंत निर्णय लेवे कि आयुध अर सैना कम हैं अर मुगलों रै विरूद्ध आगे जंग जारी राखण खातर राणा उदयसिंह जी रो सुरक्षित रेवणो जरूरी हैं सामंत अर सिरदारां रै अणूतो आग्रह करण कारणे उदयसिंह जी सैनानायक जयमल्ल जी मेड़तिया नै चित्तोड़ सूंप सुरक्षित स्थान सारू वहिर हो जावे। इण रै उपरांत मुगलां ऊं लोहो लेवतां हेक छोटी सी ऐतिहासिक घटना 1567-68 के काल री हैं जिणमें अकबर साबात सुरंगा मांय बारूद भर किले री भींतां ने धोड़...
Read more