श्री सरस्वती अष्टक दीप चारण कृत
श्री सरस्वती अष्टक दीप चारण कृत
-:दोहा :-
वीणापाणी देय वर , करे पूर्ण हर आस ।
शब्द दे मात शारदे , दीप में कर उजास ।।
सब्द दे मात सारदे , गणपति दीजौ ग्यान ।
लेतो कर जद लेखनी , धरूं आपरो ध्यान ।।
गाए गुण गणराज रा, धरे कलमधर ध्यान।
सिंवरै माता शारदे , दे दे विद्या दान।।
भुजंगप्रयात
नमो शारदा दे गियाना तराना ।
न कोई गियानी तिहारे समाना ।।
सदा मात वीणा बजाती रहाणी ।
नमो वेद बाणी नमो वीणपाणी ।। [1]
नमो पुस्तकं धारणी तारणी मां ।
नमो सब्द उच्चारणी चारणी मां ।।
बजा मात वीणा कृपा मां बधाणी ।
नमो वेद वाणी नमो वीणपाणी ।। [2]
सरोजासनी मां करे तुं कमाला ।
जगाती सदा ज्योति होता उजाला ।।
उचारीय गीतां सुरीलीय वाणी ।
नमो वेद वाणी नमो वीणपाणी ।। [3]
तु ही ज्ञान गंगा सदा मां बहाती ।
विधा दान पानं हमेशा कराती ।।
गुँजातीय ब्रह्मांड माँ ब्रह्म राणी ।
नमो वेद वाणी नमो वीणपाणी ।। [4]
सुरं सात संगीत के मां सिखादे ।
तु ही पंख मां आखरां रै लगादे ।।
तिहारी महिम्मा न जाये बखाणी ।
नमो वेद वाणी नमो वीणपाणी ।। [5]
तुँ ही सोरठा छप्पयं गीत वाळी ।
अलंकार सिण्गार धारे निराली ।।
तुँ ही छंद चौपाइ माता रचाणी ।
नमो वेद वाणी नमो वीणपाणी ।। [6]
नमो भूमिजा भारती मां भवानी ।
न वृद्धा न बाला सदैवं समानी ।।
तू ही आद सक्तीय जाणी पिछाणी ।
नमो वेद वाणी नमो वीणपाणी ।। [7]
दया दिव्य ज्ञानं करे घोर नादं ।
सदा सारदे सार दे दीप सादं ।।
भरे ज्ञान भण्डार मां सार वाणी ।
नमो वेद वाणी नमो वीणपाणी ।। [8]
•••••••••••••••••••••••दीप चारण
छप्पय छंद
वर दे वीणापाणि,विद्या विरद विरदांऊ।
वर दे वीणापाणि,दिव्य गुण देवी गांऊ।।
वर दे वीणापाणि,नित्य मां शीश नमाऊ।
वर दे वीणापाणि,जिह्वा ज्योती जगाऊ।।
साद दीप दे सारदा, साहित्य शब्द सार दे।
कर जोड़े विनती करूं, तरणी शब्दां तारदे।।
°°°°°°°°°°°°°°°°°°°°°°°°°°दीप चारण
कुण्डलियो छंद
साद सांभले सारदा , शब्दां रो दो सार ।
मेट'र अवगुण मावड़ी ,धर जिह्वा रै धार ।।
धर जिह्वा रै धार , कंठ सू निकले कविता ।
आखर देय अपार , सुरा री बहाय सरिता ।।
तेज अरक रो अब्ब , भाल ऊपर यूं भरदे ।
सुधरे कारज सब्ब , विनती सांभल सारदे ।।
°°°°°°°°°°°°°°°°°°°°दीप चारण
Comments
Post a Comment