ना रूठा कर नार

खटपट कर खामंद सों, ना रूठा कर नार।
घणोई हेत घालसी , लाडो लाड लडा'र ।।

हेत सो नाहि हालसे , जो महँगाई जा`र ।
प्रीत रा गीत पांतरो ,(नी तो)भमसो घण भरतार ।।

छोरी थांरी छोटकी , बड़ी होसी अबार।
मूँडो फाड़े मांगसी, पलीत टिको अपार।।

भरतार बटे न भूंगड़ा, पढतां कविता पाठ ।
मेनत करियां मौकली, ठहसी ठावा ठाठ ।।

°°°°°°°°°°°°°°°°°°°°°°°°दीप चारण


करती....... कोप, फुरड़तां देख फोनड़ो।
तगड़ी आ है तोप, देख सब डरे दीपसा।।

°°°°°°°°°°°°°°°°°°°°°°°दीप चारण 😂

हर को जोड़े हाथ ,कामण आगे अनवी किसा।

नमे त्रिलोकी नाथ ,राधा आगल राजिया ।

🙏🏼😃😃