देवी स्तूति छंद कृपाण घनाक्षरी



प्रणमूं मैं प्रतपाल , करणी सुत रुखाल ,
करुणा मयी कृपाल, मन में दो सुर ताल ।
आप मात अति दयाल , पुत्र को राखजौ ख्याल ,
बिसरै न मात लाल , मान से मां दीप भाल ।।
मद्य पी पी मतवाल , गुलाबी नैना विशाल ,
भलो ओपे बोर भाल , खनकै चुङी भुजाल ।
राजल मां रखवाल , मां खोड़ल खप्पराल ,
नमो  डोकरी दाढाल , थांरै बीन कुण हवाल ।। 1


सजकै सिंगार सोल , घुमर गरबे घोल ,
ढमं ढमं बाजे ढोल , ता ता ता त्रिशूल तोल ।
रुपां अछी छाछी होल , लांगी गुल ओल दौल ,
 संग आवड़ हिलोल ,सातुं बहन सतोल ।।
ओपे पोशाक पटोल , झलकै चीर झकोल ,
रमती मां रमझोल , रलिया असुर रोल ।
दीदार तोरो अमोल ,तुंही मां राय हिंगोल,
करंती माते किलोल , बोले मां-मां दीप बोल ।। 2

छत्राली करजौ छांय , दयाली देशाण राय,
मात को भक्त बुलाय , हिगंलाज हैले आय ।
दीप जयकार गाय , भय विपदा भजाय ,
सदा तुं किजै सहाय, चालक मां चालराय ।।

तुं हीं सुक्ष्म खंड खंड , तुं हीं समस्त  ब्रह्मण्ड ,
तुं हीं ज्योति अखंड , तुं हीं चंडी चामुंड ।
 सोभे गल माल रुंड ,  पाड़या तें दैत्य झुंड ,
असुर अति उदंड , तें हीं मार्या चंड-मुंड ।।

नगाड़े बजत ज़ोर , ढमं ढमं घुरे घोर ,
सुणीजत चहुंओर , जगे जोत अष्ट पोर ।
घंटा बजे  घोर घोर , टंका करत टंकोर ,
झींझा झालर झंकोर , मढ को सुंदर शोर ।।

 फंद मात दिजौ फोड़ ,तम मात मेरो तोड़
नाम मात तेरे क्रोड़, कुण करें थांरी होड़।
तुंहीं मात ठोड़ ठोड़ ,आवै सब दौड़ दौङ,
जाये न मात म्नै छोड़ , नमे दीप कर जोड़ ।।


••••••••••••••••••••दीप चारण















Comments

Post a Comment

Popular posts from this blog

काम प्रजालन नाच करे। कवि दुला भाई काग कृत

कामप्रजाळण नाच करे : रचना :- दुला भाया काग आजे पवित्र श्रावण मासनो बीजो सोमवार छे ते निमिते कविश्री दुला भाया कागनी रचना कामप्रजाळण नाच करे (छंद - दुर्मिला) परमेश्वर मोद धरी पशुपाळण,कामप्रजाळण नाच करे, भभके गण भूत भयंकर भुतळ, नाथ अधंखर ते नखते, भणके तळ अंबर बाधाय भंखर , गाजत जंगर पांह गते ; डमरुय डडंकर बाह जटंकर , शंकर ते कईलास सरे, परमेश्वर मोद धरी पशुपाळण,कामप्रजाळण नाच करे, (1) हडडं खडडं ब्रह्मांड हले, दडडं दडदा कर डाक बजे, जळळं दंग ज्वाल कराल जरे , सचरं थडडं गण साज सजे ; कडके धरणी कडडं , हडडं मुख नाथ ग्रजंत हरे , परमेश्वर मोद धरी पशुपाळण,कामप्रजाळण नाच करे,(2) हदताळ मृदंग हुहूकट,हाकट धाकट धीकट नाद धरं, द्रहद्राह दिदीकट वीकट दोक्ट,कट्ट फरंगट फेर फरं ; धधडे नग धोम धधा कर धीकट,धेंकट घोर कृताळ धरे, परमेश्वर मोद धरी पशुपाळण,कामप्रजाळण नाच करे,(3) नट तांडवरो भट देव घटां नट उलट गूलट धार अजं, चहँ थाक दुदूवट दूवट खेंखट,गेंगट भू कईलास ग्रजं ; तत तान त्रिपुरारि त्रेकट त्रुकट, भूलट धुहर ठेक भरे, परमेश्वर मोद धरी पशुपाळण,कामप्रजाळण नाच करे,(4) सहणाई छेंछ अपार छटा,चहु...
Read more

आसो जी बारठ

(कौटङै रा बाघ जी ) कवि आसो जी बारठ भारमली रा घाट पर बाघौ लुम लटक्क । जहँ तरवर तहँ मोरिया,जहँ सरवर तहँ हंस । जहँ बाघौ तहँ भारमली , जहँ दारू तहँ मंस ।। बाघा हालै बेग , दुख सालै दूदा हरा । आठूँ पहर उदेग , जातौ देगौ जैत वत ।। हाठोँ पङी हङताळ , हमेँ मद सूंगा हुआ । कूकै घणाँ कलाळ , बिकरौ भागौ बाघजी ।। कूकङ ज्यू कुरळावियौ , ढलती माँझल जोग । कै थनैँ मिनङी झाँपियौ , कै बाघा तणौ विजोग ।। बाघा आव वलेह , घर कौटङै थूँ धणी । जासी फूल झङेह , वास नँह जासी बाघजी । ठौङ ठौङ पग दौङ , करस्याँ पेट ज कारणै । रात दिवस राठौङ वीसरस्याँ नहिँ बाघ नैँ ।। की कह की कह की कहूँ की कह करूँ बखाँण । थारौ म्हारौ नँह कियौ , ऐ बाघा अहनाँण ।। आसो जी बारठ
Read more

कल्याण शतक रँग कल्ला राठौड़ रो दीप चारण कृत

Image
भूमिका / प्रस्तावना  मेवाड़ वा भौम हैं जिणरी माटी रा कण-कण सूरवीरां रै सूरापै रा अर सतियां रै सतित्व रा गुण गाता नी थके। इणरो इतिहास अनूठो हैं, रणबाकूंरा रो ओ खूंटो हैं । बात उण बखत री हैं जद मुगल पात्सा अकबर आपरी साम्राज्य बढोतरी लगेटगे कर चुक्यो हो कैई रिहासत - ठीकाणा नै आपरी अधीनता मनवा चूक्यो हो। पण मेवाड़ उणरी आंखां में खटकतो हो, बो किण ही रीत किणी भांत मेवाड़ नै आपरै अधीन करण रो हर सम्भव कोसिसां करे हो। अठीनै मेवाड़ माथै उदयसिंह रो राज हो। चित्तौड़गढ़ सूं ही राजकाज सुचारू हो। अकबर आपरी विशाल मुगल फोजां लेय'र चित्तौड़ रै किले ने घेर लेवे। जुद्ध री स्तिथि देख सभा में सरदारों अर सामंत निर्णय लेवे कि आयुध अर सैना कम हैं अर मुगलों रै विरूद्ध आगे जंग जारी राखण खातर राणा उदयसिंह जी रो सुरक्षित रेवणो जरूरी हैं सामंत अर सिरदारां रै अणूतो आग्रह करण कारणे उदयसिंह जी सैनानायक जयमल्ल जी मेड़तिया नै चित्तोड़ सूंप सुरक्षित स्थान सारू वहिर हो जावे। इण रै उपरांत मुगलां ऊं लोहो लेवतां हेक छोटी सी ऐतिहासिक घटना 1567-68 के काल री हैं जिणमें अकबर साबात सुरंगा मांय बारूद भर किले री भींतां ने धोड़...
Read more