कविता -: दाता री बातां माहि ……
कविता -: दाता री बातां माहि ……
वे खैंगारा करता , गांगरा करता , बुढा बुढा दाता ।
जदे राजी व्हेता , अमल उगायनै केवता , राजा राणी री बातां ।।
वे हा पूरे गांव रा बुढा बुढा दाता ।
आज कुण कैवे उणा रै जैडी चौखी चौखी बातां ।।
दाता री बातां माहि
देखिया दुरगादास पन्नाधाय रा बलिदान ।
चंद्रसेन राणो प्रताप झुकातो दिल्ली रो मान ।।
दाता री बातां माहि
रमंती रमंती अपसरावां उतरे , धांधल जी रै डेरां ।
क्रसण जी री प्रीत माहि ,विष रा प्याला पिये मीरा ।।
दाता री बातां माहि
देखिया संयोगिता रूकमणी द्रोपदी सीता रा स्यंवर ।
सुणी बाघे भारमली ढोला मारवणी री प्रीता अमर ।।
दाता री बातां माहि
चंद रो छंद सुणे बिन नैन ,चहुआण बाण चलावै ।
गजनी सुलतान मोहम्द गौरी, गढ माथै सूं गुडावै ।।
दाता री बातां माहि
सीस काटके सैनाणी , रतनसी चुंडावत नै दैवे क्षत्राणी ।
उठती जौहर री ज्वाला माहि , मरजादा राखती ही राणी ।।
दाता री बातां माहि
क्रसो खेतां हल चलावतो , लेय हलोतिया होले होले ।
सुड करिजै निदाण करिजै लाटा लिरिजै लाहां भणतिया भणत बौले ।।
दाता री बातां माहि
राव चुंडोजी राठौड पौढे , हेठां नाग रे फणा ।
आलोजी चारण रै घरे , खावतो मीठा काचर कलाऊ तणा ।।
दाता री बातां माहि
आसो जी आपरै सोरठां माहि अस्टपोर बाघा बाघा करे ।
ईसरदास हरिरस माहि आदेस आदेस हुतोज हुतोज करंता घोडा समंदा समंदा झौंक उधरे ।।
वे खैंगारा करता , गांगरा करता , बुढा बुढा दाता ।
जदे राजी व्हेता , अमल उगायनै केवता , राजा राणी री बातां ।।
वे हा पूरे गांव रा बुढा बुढा दाता ।
आज कुण कैवे उणा रै जैडी चौखी चौखी बातां ।।
•••••••••••••••••••••••••••दीप चारण
खग्ग हुआ ख़ामोश , बिलखता रूंख बैह (गांव)रा ।
आ गमाय आगोश, शोकाकुल सब सगतजी ।।
यादां रखसी याद , बातां कदे न बीसरै ।
दीप करे फरयाद, साँयां शरणे सगतजी ।।
कोटड़ी माँय कोड , करता थें रुत रीत रा।
जग्ग गया ओ छोड, सांवरे घरे सगतजी ।।
बातॉ दाता आवतां (इ) ,पल पल उठती पीर।
हुचलका हियो खावतो , नैणा झरतो नीर ।।
छूटी ठाडी छांव , तातो तपतो तावडो ।
गमसिन लागे गांव , केथ विसाई (दीप)लेवसी ।।
दाता यादां दौडती , रग-रग रूं-रूं रूह ।
आंखियां नीर सूखियो , लुक-लुक आंह भरूंह ।।
(कोटडी)
ले जातो जद थाल , पैक हेक कह पावता ।
दीपला बेगो ढाल , देख लेइ जग दीसियो ।।
बाजि बिन सूनि कोटड़ी, सूनो गवाड़ गांव ।
हास रस हतायां हुओ, कम हुओ जन जमाव।।
°°°°°°°°°°°°°°°°°°°°°°°दीप चारण
वे खैंगारा करता , गांगरा करता , बुढा बुढा दाता ।
जदे राजी व्हेता , अमल उगायनै केवता , राजा राणी री बातां ।।
वे हा पूरे गांव रा बुढा बुढा दाता ।
आज कुण कैवे उणा रै जैडी चौखी चौखी बातां ।।
दाता री बातां माहि
देखिया दुरगादास पन्नाधाय रा बलिदान ।
चंद्रसेन राणो प्रताप झुकातो दिल्ली रो मान ।।
दाता री बातां माहि
रमंती रमंती अपसरावां उतरे , धांधल जी रै डेरां ।
क्रसण जी री प्रीत माहि ,विष रा प्याला पिये मीरा ।।
दाता री बातां माहि
देखिया संयोगिता रूकमणी द्रोपदी सीता रा स्यंवर ।
सुणी बाघे भारमली ढोला मारवणी री प्रीता अमर ।।
दाता री बातां माहि
चंद रो छंद सुणे बिन नैन ,चहुआण बाण चलावै ।
गजनी सुलतान मोहम्द गौरी, गढ माथै सूं गुडावै ।।
दाता री बातां माहि
सीस काटके सैनाणी , रतनसी चुंडावत नै दैवे क्षत्राणी ।
उठती जौहर री ज्वाला माहि , मरजादा राखती ही राणी ।।
दाता री बातां माहि
क्रसो खेतां हल चलावतो , लेय हलोतिया होले होले ।
सुड करिजै निदाण करिजै लाटा लिरिजै लाहां भणतिया भणत बौले ।।
दाता री बातां माहि
राव चुंडोजी राठौड पौढे , हेठां नाग रे फणा ।
आलोजी चारण रै घरे , खावतो मीठा काचर कलाऊ तणा ।।
दाता री बातां माहि
आसो जी आपरै सोरठां माहि अस्टपोर बाघा बाघा करे ।
ईसरदास हरिरस माहि आदेस आदेस हुतोज हुतोज करंता घोडा समंदा समंदा झौंक उधरे ।।
वे खैंगारा करता , गांगरा करता , बुढा बुढा दाता ।
जदे राजी व्हेता , अमल उगायनै केवता , राजा राणी री बातां ।।
वे हा पूरे गांव रा बुढा बुढा दाता ।
आज कुण कैवे उणा रै जैडी चौखी चौखी बातां ।।
•••••••••••••••••••••••••••दीप चारण
खग्ग हुआ ख़ामोश , बिलखता रूंख बैह (गांव)रा ।
आ गमाय आगोश, शोकाकुल सब सगतजी ।।
यादां रखसी याद , बातां कदे न बीसरै ।
दीप करे फरयाद, साँयां शरणे सगतजी ।।
कोटड़ी माँय कोड , करता थें रुत रीत रा।
जग्ग गया ओ छोड, सांवरे घरे सगतजी ।।
बातॉ दाता आवतां (इ) ,पल पल उठती पीर।
हुचलका हियो खावतो , नैणा झरतो नीर ।।
छूटी ठाडी छांव , तातो तपतो तावडो ।
गमसिन लागे गांव , केथ विसाई (दीप)लेवसी ।।
दाता यादां दौडती , रग-रग रूं-रूं रूह ।
आंखियां नीर सूखियो , लुक-लुक आंह भरूंह ।।
(कोटडी)
ले जातो जद थाल , पैक हेक कह पावता ।
दीपला बेगो ढाल , देख लेइ जग दीसियो ।।
बाजि बिन सूनि कोटड़ी, सूनो गवाड़ गांव ।
हास रस हतायां हुओ, कम हुओ जन जमाव।।
°°°°°°°°°°°°°°°°°°°°°°°दीप चारण
Comments
Post a Comment