कवि महा जी बीठू छंद देवी माढ राणी रम्मिये ।


रांमत धरती माढ रमेवा।

कवि मेहाजी बीठू

आद सगत भणीजे एकूं , उण अवतार मां चरित्र अनेकू ।
जाणए पार कवण गुण जैकूं, तारंग सिला ऊतरी तैकूं ।।
मांग मांग कर सांग मुलकै , विद्या मो मन मांगी विलखै।
मुझ मुख थुकियो त्रम्बोल मिलक्कै , बोल बोल मुख खोल वलक्कै ।।
प्रांण नाथ प्रमाण प्रमेँकूं , मेहरवांण होय जोवत मेकूं ।
बुद्ध दे सुद्ध या मंत्र विमेकू,
दरस दिव्य दृष्टि मां देखू ।।
कर त्रिसुल गंजण केवी, भंजण पिसाचर खुफ्र भरेवी।
अजरा अमर समरतां एबी, सरणागता रिछ्या करै सेवी।
क्रोङ छप्पन चावंड कहाणी, बारे क्रोङ बचे ब्रम्ह्माणी ।
क्रोङ नव नामे कतियाणी, खट क्रोङ जामे खत्राणी ।।
लाख नव चारणी लोहवङीयाली, चोसठ जोगण खेलण चाली ।
पांच च्यार दुरगा परचाली, सप्तावत सतियां सिखराली ।।
नव सत सिणगार रचे नख रत्तुं, रास मंडप करतां चखरतुं ।
देवल प्रकास कियो दर संतू, वास सुगधं मुख हास वरंतूं।।
पोसाक पटोला चीर पलक्कै, जात जात जंवरात झलक्कै।
भाल तिलक नथ नाक भलक्कै, रतनमाल गल हार रलक्कै।।
गगन मंडल गीताल गहक्कै, ठमक पांव पंईयाल ठहक्कै।
ताल झमक त्रंबाल तहक्कै, डाक डमक दिग्गपाल डहक्कै।।
भेर बजत नाचंत भैरवा, वीर बावन बहुरूप बनेवा।
खैत्रपाल अगवान खेलेवा, रामत धरती माढ रमेवा।।


देवी माढ रैणी रम्मिये । 

 रमेवा रंगू ऊभ अंगू वेष चंगू पैपरंग 
चुङी भलक्कू चीर ढक्कू पाव खलक्कू नेचरंग 
सोभा अपारंम सणगारंम ब्रेह मांरग ब्रम्मये 
साते सऊं वाणी आप बांणी माढरैणी रम्मिये 
...................................देवी माढ रैणी रम्मिये । 

 ओछङ ऐवा तन्न तेव गवर देवा सोहियंग 
कुङल रतनं कनक कनगं मुर भवनं मोहियंग 
विरदात वैणां विरच्चैणा भळै नैणा भ्रम्मये 
साते सऊं वाणी आप बांणी माढरैणी रम्मिये 
...................................देवी माढ रैणी रम्मिये । 

 कमरांस कसंग तांन तसंग ऊरहिर रसंग ओपीयंग 
हीरा जङत्तंग चूङ हत्थंग जोस अत्तंग जोपीयंग 
हींडोल हारं नवसांर ध्रवं तारंग ध्रम्मये 
साते सऊं वाणी आप बांणी माढरैणी रम्मिये 
...................................देवी माढ रैणी रम्मिये । 

 बोहरूप वाली विरद्दाली मिले ताली मालीयंग 
हूंकार होडूं खेल कोडूं लूम्ब लोडूं लालीयंग 
लल धरा लग्गूं पाव करगूं न्रत अग्गूं नम्मियै 
साते सऊं वाणी आप बांणी माढरैणी रम्मिये 
...................................देवी माढ रैणी रम्मिये । 

 सोलेतरजंग कला सरजंग नैणा करजंग निरमलंग 
च्यारै ही खडंग मेल मडंग बेल डडगं व्रिमलंग 
सोहे ज्वालंग सिक्खरालंग उज्जवालंग अम्मिये 
साते सऊं वाणी आप बांणी माढरैणी रम्मिये 
...................................देवी माढ रैणी रम्मिये । 

 धर पाव धम्मां सुध रम्मा होय हम्मां हक्कहे 
भुज सोले भ्रम्मां घूमरम्मां डम्म डम्मा डहक्कहे 
गाजे गिरम्मा घूघरम्मां घूंम घूंमा घम्मये 
साते सऊं वाणी आप बांणी माढरैणी रम्मिये 
...................................देवी माढ रैणी रम्मिये । 

 हो हाक हक्कू हथ्थङक्कू खङ खङक्कू खग्गहे 
कांधो क कङक्कू कूरमक्कू भार जक्कू भग्गहे 
त्रीभू टलक्कू च्यार चक्कू हो ध्रमक्कू ध्रम्मिये 
साते सऊं वाणी आप बांणी माढरैणी रम्मिये 
...................................देवी माढ रैणी रम्मिये । 

 आरती अम्मर ढले चम्मर मेघडम्बर छत्र है 
मालाह मूलंग कंठ झूलंग कली फूलंग नेत्र है 
सोरंभ आसंग मुक्ख वांसग अंतरासंग अम्मिये 
साते सऊं वाणी आप बांणी माढरैणी रम्मिये 

 ...................................देवी माढ रैणी रम्मिये । 

 झालरा झणणं चंग चंणणं भेर भंणणं बू भलंग 
संखनाद संणणं फणंत फंणणं गैण गंणणं भूगळंग 
तारास तंणणं राग रंणणं बोल बंणणं बम्मिये 
साते सऊं वाणी आप बांणी माढरैणी रम्मिये 
...................................देवी माढ रैणी रम्मिये । 

 तारंग सिल्ला चढे चिल्ला तोम डिल्ला तोहीयंग 
कर केल किल्ला खिलखिल्ला हिल मिल्ला होईयंग 
जल हर उजल्ला थांन थल्ला त्रेमङल्ला तुम्मिये 
साते सऊं वाणी आप बांणी माढरैणी रम्मिये 
...................................देवी माढ रैणी रम्मिये। 

 रचनाकार मेहाजी बीठू झणकली 
टंकणकर्ता दीप चारण (दिलीपसिंह चारण )

 काॅपी पेस्ट वालों से अनुरोध हैं कि पोस्ट के साथ छेड़छाड़ न करे।

Comments

Post a Comment

Popular posts from this blog

काम प्रजालन नाच करे। कवि दुला भाई काग कृत

कामप्रजाळण नाच करे : रचना :- दुला भाया काग आजे पवित्र श्रावण मासनो बीजो सोमवार छे ते निमिते कविश्री दुला भाया कागनी रचना कामप्रजाळण नाच करे (छंद - दुर्मिला) परमेश्वर मोद धरी पशुपाळण,कामप्रजाळण नाच करे, भभके गण भूत भयंकर भुतळ, नाथ अधंखर ते नखते, भणके तळ अंबर बाधाय भंखर , गाजत जंगर पांह गते ; डमरुय डडंकर बाह जटंकर , शंकर ते कईलास सरे, परमेश्वर मोद धरी पशुपाळण,कामप्रजाळण नाच करे, (1) हडडं खडडं ब्रह्मांड हले, दडडं दडदा कर डाक बजे, जळळं दंग ज्वाल कराल जरे , सचरं थडडं गण साज सजे ; कडके धरणी कडडं , हडडं मुख नाथ ग्रजंत हरे , परमेश्वर मोद धरी पशुपाळण,कामप्रजाळण नाच करे,(2) हदताळ मृदंग हुहूकट,हाकट धाकट धीकट नाद धरं, द्रहद्राह दिदीकट वीकट दोक्ट,कट्ट फरंगट फेर फरं ; धधडे नग धोम धधा कर धीकट,धेंकट घोर कृताळ धरे, परमेश्वर मोद धरी पशुपाळण,कामप्रजाळण नाच करे,(3) नट तांडवरो भट देव घटां नट उलट गूलट धार अजं, चहँ थाक दुदूवट दूवट खेंखट,गेंगट भू कईलास ग्रजं ; तत तान त्रिपुरारि त्रेकट त्रुकट, भूलट धुहर ठेक भरे, परमेश्वर मोद धरी पशुपाळण,कामप्रजाळण नाच करे,(4) सहणाई छेंछ अपार छटा,चहु...
Read more

आसो जी बारठ

(कौटङै रा बाघ जी ) कवि आसो जी बारठ भारमली रा घाट पर बाघौ लुम लटक्क । जहँ तरवर तहँ मोरिया,जहँ सरवर तहँ हंस । जहँ बाघौ तहँ भारमली , जहँ दारू तहँ मंस ।। बाघा हालै बेग , दुख सालै दूदा हरा । आठूँ पहर उदेग , जातौ देगौ जैत वत ।। हाठोँ पङी हङताळ , हमेँ मद सूंगा हुआ । कूकै घणाँ कलाळ , बिकरौ भागौ बाघजी ।। कूकङ ज्यू कुरळावियौ , ढलती माँझल जोग । कै थनैँ मिनङी झाँपियौ , कै बाघा तणौ विजोग ।। बाघा आव वलेह , घर कौटङै थूँ धणी । जासी फूल झङेह , वास नँह जासी बाघजी । ठौङ ठौङ पग दौङ , करस्याँ पेट ज कारणै । रात दिवस राठौङ वीसरस्याँ नहिँ बाघ नैँ ।। की कह की कह की कहूँ की कह करूँ बखाँण । थारौ म्हारौ नँह कियौ , ऐ बाघा अहनाँण ।। आसो जी बारठ
Read more

कल्याण शतक रँग कल्ला राठौड़ रो दीप चारण कृत

Image
भूमिका / प्रस्तावना  मेवाड़ वा भौम हैं जिणरी माटी रा कण-कण सूरवीरां रै सूरापै रा अर सतियां रै सतित्व रा गुण गाता नी थके। इणरो इतिहास अनूठो हैं, रणबाकूंरा रो ओ खूंटो हैं । बात उण बखत री हैं जद मुगल पात्सा अकबर आपरी साम्राज्य बढोतरी लगेटगे कर चुक्यो हो कैई रिहासत - ठीकाणा नै आपरी अधीनता मनवा चूक्यो हो। पण मेवाड़ उणरी आंखां में खटकतो हो, बो किण ही रीत किणी भांत मेवाड़ नै आपरै अधीन करण रो हर सम्भव कोसिसां करे हो। अठीनै मेवाड़ माथै उदयसिंह रो राज हो। चित्तौड़गढ़ सूं ही राजकाज सुचारू हो। अकबर आपरी विशाल मुगल फोजां लेय'र चित्तौड़ रै किले ने घेर लेवे। जुद्ध री स्तिथि देख सभा में सरदारों अर सामंत निर्णय लेवे कि आयुध अर सैना कम हैं अर मुगलों रै विरूद्ध आगे जंग जारी राखण खातर राणा उदयसिंह जी रो सुरक्षित रेवणो जरूरी हैं सामंत अर सिरदारां रै अणूतो आग्रह करण कारणे उदयसिंह जी सैनानायक जयमल्ल जी मेड़तिया नै चित्तोड़ सूंप सुरक्षित स्थान सारू वहिर हो जावे। इण रै उपरांत मुगलां ऊं लोहो लेवतां हेक छोटी सी ऐतिहासिक घटना 1567-68 के काल री हैं जिणमें अकबर साबात सुरंगा मांय बारूद भर किले री भींतां ने धोड़...
Read more